Estas en:

Normalización Llingüística

La Llei 1/98 de 23 de marzu, d’usu y promoción del bable/asturianu da a los conceyos un papel fundamental p’asegurar la efectividá del exerciciu de los ciudadanos residentes n’Asturies, pal usu efectivu de les llingües tradicionales.

El conceyu de Villaviciosa, reconociendo la realidá llingüística plural y asumiendo un usu institucional y públicu d’eses llingües tradicionales, va dando pasos nesti sen, como son la propia aprobación de la Ordenanza Municipal sobre l’usu del bable/asturianu por acuerdu plenariu de 27 de marzu de 2002, l'impulsu a traviés del Serviciu de Normalización Llingüística de la Comarca de la Sidra del reconocimientu de los topónimos oficiales de Villaviciosa (Decretu 115/2005 de 17 de payares de la Conseyería de Cultura, Comunicación Social y Turismu), o más recientemente l'adhesión a la Rede de Normalización Llingüistica por acuerdu de Plenu de 30 de payares de 2022.

Na misma llínia de compromisu, creáse'l Premiu Relatos Curtios Xosé Caveda y Nava pa sofitar la creación lliteraria n’asturianu y la su difusión. Actualmente, ta dotáu de 1000€.

Igualmente, collabora y sofita iniciatives de les entidaes culturales pola defensa de la llingua asturiana, como ye’l casu de la Asociación La Compaña del Ronchel na edición y publicación de la so revista Friúz, o'l repartu de lletres de pan nel Día de les Lletres Asturianes.

Equí puen topase los conteníos relacionaos cola normalización y promoción del asturianu.

Normalización del asturianu

Cultura n´asturianu